Գաբրիելլա, 4 տարեկան
Երեխայի մոտ հայտնաբերվել է բարձր ռիսկի նեյրոբլաստոմա։ Բուժման նպատակով կազմակերպված հանրային դրամահավաքի արդյունքում հավաքվել է 138,002,535 դրամ: Երեխան վիրահատվել է Բարսելոնայում և այժմ ստանում է անհրաժեշտ բուժում։
Սիմբիկորտ դեղորայքի ծրագիր՝ ասթմա ունեցող երեխաների բուժման համար
Ծրագրի իրականացման արդյունքում ասթմա ունեցող երեխաները կարողանում են լիաթոք շնչել և վայելել իրենց առողջ մանկությունը։
Օկտագամ դեղորայքի ծրագիր՝ իմունային, նյարդային և արյան համակարգերի խանգարումներ ունեցող երեխաների համար
Առողջական ծանր խնդիրներ ունեցող բազմաթիվ երեխաներ հիմնադրամի աջակցությամբ բուժվելու հնարավորություն են ստացել։
Ամբիսոմ դեղորայքի ծրագիր՝ լեշմանյոզ ունեցող երեխաների բուժման համար
Հիմնադրամի ջանքերով վիսցերալ լեշմանյոզ ունեցող երեխաների կյանքը այլևս վտանգված չէ։
Ռևոլեիդ դեղորայքի ծրագիր՝ իմուն թրոմբոցիտոպենիա ունեցող երեխաների բուժման համար
Իմուն թրոմբոցիտոպենիա ունեցող երեխաներն այժմ կարող են կանոնավոր ստանալ իրենց անհրաժեշտ դեղորայքը և խուսափել կյանքի համար վտանգավոր հետևանքներից։
Հիվանդանոցների վերազինման ծրագիր
Այս ծրագրի շնորհիվ բազմաթիվ երեխաներ հնարավորություն են ստացել անցնել պատշաճ հետազոտություն, իսկ բժիշկները՝ բարձրացնել ցուցաբերվող բուժծառայության որակը։
Բժիշկների վերապատրաստաման ծրագիր
Այս ծրագրի շնորհիվ բժիշկները հնարավորություն են ստանում ծանոթանալ աշխարհում առկա լավագույն նորարական մեթոդներին և այդ կարևոր գիտելիքները ու փորձը ներդնել իրենց աշխատանքում։
«Կարինա» քաղցկեղի ժառանգական նախատրամադրվածության կլինիկա
«Կարինա» քաղցկեղի ժառանգական նախատրամադրվածության կլինիկայի հիմնում, որի նպատակն է նպաստել Հայաստանում երեխաների շրջանում քաղցկեղի վաղ հայտնաբերմանը, կանխարգելմանն ու արդյունավետ բուժմանը։
Մեր արդյունքները
Իր գործունեության երկու տարիների ընթացքում Հայաստանի երեխաների առողջության հիմնադրամը ստացել է շուրջ 51 000 նվիրատվություն և տրամադրել շուրջ 630.000.000 դրամ գումարի աջակցություն։
Հետազոտական ծրագրերի իրականացում
Հիմնադրամն իրականացնում է հետազոտական աշխատանքներ, մշակում օրենսդրական նախագծեր, որպեսզի պետական մարմինների և գործընկեր հիվանդանոցների հետ համագործակցությամբ հնարավոր լինի բարեփոխել առողջապահական համակարգը, ավելի արդյունավետ դարձնել պետական ծախսերը և ոլորտում կայուն զարգացում ապահովել։ Աջակցության շրջանակը (հիվանդությունների ցանկ)
