Հայաստանի երեխաների առողջության հիմնադրամի հոգաբարձուների խորհրդում ներառվել են իրենց ոլորտներում առաջատար մասնագետներ, մասնավորապես՝
- Արա Բաբլոյանը՝ Արաբկիր ԲՀ-ԵԴԱԻ կառավարման խորհրդի նախագահ, գիտական ղեկավար
- Ալեքսանդր Ուռումյանը՝ Շենգավիթ ԲԿ-ի գլխավոր տնօրեն
- Արմեն Նուրբեկյանը՝ ՀՀ կենտրոնական բանկի փոխնախագահ
- Լուսինե Քասարջյանը՝ բարեգործական հիմնադրամների խորհրդատու
Հոգաբարձուների խորհրդի նիստի ընթացքում նոր անդամներին ներկայացվեցին հիմնադրամի երկու տարվա գործունեության արդյունքները և ապագայում իրականացվելիք ծրագրերը։ Հոգաբարձուների խորհրդի անդամները հաստատեցին իրենց պատրաստակամությունը հնարավորինս աջակցել հիմնադրամի աշխատանքներին, որպեսզի Հայաստանի Հանրապետությունում բնակվող առողջական ծանր խնդիրներ ունեցող երեխաները լինեն առողջ և վայելեն իրենց անհոգ մանկությունը։
