Հաջողության պատմություններ
Երեխայի մոտ հայտնաբերվել է բարձր ռիսկի նեյրոբլաստոմա։ Բուժման նպատակով կազմակերպված հանրային դրամահավաքի արդյունքում հավաքվել է 138,002,535 դրամ: Երեխան վիրահատվել է Բարսելոնայում և այժմ ստանում է անհրաժեշտ բուժում։
Երեխայի մոտ հայտնաբերվել է սուր միելոբլաստային լեյկոզ։ Բուժման նպատակով կազմակերպված հանրային դրամահավաքի միջոցով հավաքվել է 40,033,628 դրամ։ Երեխան վիրահատվել է Սանակտ Պետերբուրգում, ստացել բուժում և վերադարձել Հայաստան։
Կլինիկայի նպատակն է նպաստել Հայաստանում երեխաների շրջանում քաղցկեղի վաղ հայտնաբերմանը, կանխարգելմանն ու արդյունավետ բուժմանը
Մեր գործընկերները
Հաճախ Տրվող Հարցեր
Ինչպե՞ս դիմել հիմնադրամին։
Հիմնադրամին կարող եք դիմել՝ գրելով նամակ մեր էլեկտրոնային հասցեին կամ հիմնադրամի սոցիալական էջերով։
Ո՞ր հիվանդությունների դեպքում է աջակցում հիմնադրամը։
Հիմնադրամի աջակցության շրջանակը (հիվանդությունների ցանկ).
ա/ մանկական քաղցկեղ կամ արյան խնդիրներ (բոլոր այն դեպքերում, երբ երեխայի բուժումը պետք է իրականացնել արտերկրում)
բ/ երիկամի կամ լյարդի փոխպատվաստում
գ/ քրոնիկ շնչառական խնդիրներ
դ/ իմունային համակարգի խանգարումներ
ե/ նյարդաբանական ծանր խնդիրներ՝ էնցեֆալիտներ (աուտոիմուն)
զ/ վիսցերալ լեշմանյոզ
է/ ապլաստիկ սակավարյունություն
ը/ իմուն թրոմբոցիտոպենիա (ITP)
թ/ կյանքին վտանգ սպառնացող այլ հիվանդություններ
Ո՞րն է աջակցության դիմելու կարգը։
Եթե երեխայի դեպքը մտնում է մեր հիմնադրամի աջակցության շրջանակի մեջ, info@hfc.am էլ փոստին հարկավոր է ուղարկել երեխայի հիվանդությանը վերաբերող բժշկական բոլոր փաստաթղթերը։ Մեր բժշկական խորհուրդը կքննարկի դեպքը, և մենք պատասխան նամակով կտեղեկացնենք աջակցության հնարավորության մասին։ Եթե աջակցության տրամադրումը հաստատվի, հետագա քայլերը մանրամասն կքննարկվի ծնողների/օրինական ներկայացուցչի հետ։
Որքա՞ն ժամանակում է աջակցությունը տրամադրվում։
Աջակցության տրամադրումը կախված է դեպքի բարդության, անհրաժեշտ միջամտության հասանելիության, անհրաժեշտ գումարի չափի և այլ գործոնների հետ։ Յուրաքանչյուր դեպքի քննարկումը և աջակցության հաստատումը կամ մերժումը միջինում տևում է 2-3 օր։ Խիստ հրատապ դեպքերում որոշումը կայացվում է ժամերի ընթացքում:
Ո՞ր դեպքերում հիմնադրամը կարող է մերժել դիմորդին։
Հիմնադրամը կարող է մերժել աջակացության տրամադրումը, եթե.
ա/ Երեխայի հիվանդությունը չի մտնում հիմնադրամի աջակցության շրջանակի մեջ
բ/ Եթե ներկայացված չեն հիվանդության վերաբերյալ անհրաժեշտ բավարար փաստաթղթեր
գ/ Բուժումը հասանելի է Հայաստանում, սակայն ծնողները ցանկանում են այն իրականացնել արտասահմանում
դ/ Բժշկական խորհուրդը հիմնավոր այլ պատճառներով մերժում է աջակցության տրամադրումը
Որո՞նք են հիմնադրամի շահառու/գործընկեր հիվանդանոցները։
Հիմնադրամի հիմնական շահառու/գործընկեր հիվանդանոցներն են.
ա/ «Յոլյան» արյունաբանության և ուռուցքաբանության կենտրոնը
բ/ «Սուրբ Աստվածամայր» բժշկական կենտրոնը
գ/ «Մուրացան» հիվանդանոցային համալիրը
դ/ «Արաբկիր» բժշկական համալիրը
ե/ «Ուիգմոր կանանց և երեխաների հիվանդանոց» բժշկական կենտրոնը
Ինչպե՞ս է հիմնադրամը միջոցներ ներգրավում աջակցության համար։
Բուժման համար մեծ գումարների անհրաժեշտության դեպքում հիմնադրամը կազմակերպում է հանրային դրամահավաքներ։ Ինչպես նաև հիմնադրամը գումարներ է ներգրավում տարբեր գործընկեր առևտրային, ոչ առևտրային և միջազգային կազմակերպություններից, անհատներից և այլն։
Ովքե՞ր կարող են աջակցել հիմնադրամին։
Հիմանադրամին կարող է աջակցել յուրաքանրյուր կազմակերպություն կամ սրտացավ անհատ՝ մեր կայքում կատարելով մեկանգամյա կամ ամսական նվիրատվություն՝ դառնալով ամսական նվիրատու։ Նվիրատվություն կարելի է կատարել նաև փոխանցելով գումար հիմնադրամի հաշվեհամարին։ Ավելին իմանալու համար սեղմեք այստեղ:
